Johnny Depp

Dr John „Johnny“ Christopher Depp II (* 9. Juni 1963 z Owensboro, Kentucky) isch e US-amerikanische Schauspiler. Är zellt syt 2008 zue dr beschtbezahlte Karakterdarsteller z Hollywood.^[1] International bekannt woren isch er Ändi 1980er Johr dur d Färnsehserie 21 Jump Street. Mit dr Darstellig vum exzentrische Captain Jack Sparrow in dr Pirateraie Fluch der Karibik isch syni Popularitet no gwachse. Dr Depp spilt in syne Film vor allem uugwehnligi un extravaganti Figure, aber au reali Personen us dr Vergangehait un Gegewart. Anne 2008 isch er fir syni Roll in Sweeney Todd – Der teuflische Barbier aus der Fleet Street as beschte Hauptdarsteller in ere Kumedi mit eme Golden Globe uuszaichnet wore. Dreimol isch er bishär fir dr Oscar nominiert wore, nomol nyyn Nominierige het er fir e Golden Globe iberchuu, vier Nominierige fir Screen Actors Guild Award un fimf fir dr Saturn Award.

1. ↑ vgl. Johnson, Wesley: Hollywood's Top Earners. Press Association Newsfile, 23. Juli 2008